LGTBI+ Mintzalagun taldea bultzatuko du Geu elkarteak Lumagorrirekin elkarlanean

LGTBI+ pertsonentzako mintzalagun talde berezitua eskeiniko du Geu elkarteak, gainontzeko mintzalagunen baldintza berdinetan.

ZER DA MINTZALAGUNA?

Mintzapraktika egitasmoek euskaraz aritzeko ohiturarik ez duten lagunak ohitura dutenekin elkartzen dituzte, erabileran eragiteko eta hizketarako konfiantza eta gune berriak eskaintzeko. Mintzalagun bihurtzeko arrazoiak asko izan daitezke: ahaztutako hizkuntza freskatzeko, jende berria eza

gutzeko, beste batzuei hori guztia egiten laguntzeko… Baina denek dute zerbait amankomunean: aisialdiaz euskaraz gozatzeko eta, arian-arian, lagun giro euskalduna sortzeko asmoa. Urteetako esperientziak erakutsi du askok egunerokotasunean euskaraz bizitzeko saltoa eman dutela, bidelagun izan dituzten mintzalagunei esker.

Bospasei laguneko taldeak izaten dira mintzalagunak: batzuk beren hizkuntza gaitasuna hobetzen dute, hizketarako lotsa galtzen dute eta konturatzerako euskaraz aritzen dira berbetan. Besteek, berriz, inguruko euskaldunei euskaraz bizitzen lagunduz euskarari ekarpena egiten diote.

Parte hartzeko baldintza bakarrak dira euskaraz komunikatzeko gai izatea eta astean ordubetez elkartzeko konpromisoa hartzea. Izena emateko informazioa www.gasteizkomintzalaguna.eus atarian dago eskura. Era berean, 640574996 telefonoan whatsapp zerbitzuaren bitartez informazioa eman edota zalantzak argitzeko aukera dago. Baita www.lumagorri.org web gunearen bitartez edo lumagorrihat@gmail.com postara mezu bat bidaliz.

 

IZENA EMATEKO EPEA: Urriaren 1etik 30era bitartean

URTEKO KUOTA > 20€

Laboral Kutxako k/k (GEU elkartea – Mintzalaguna)

ES06 3035 0080 90 0800061384 > Mesedez, ez ahaztu kontzeptuan zure izen-abizenak zehaztea eta ordainagiriaren kopia bat bidaltzea (Whatsapp-ez:640574996 edo info@gasteizkomintzalaguna.eus helbidera. Taldekatua izateko ezinbestekoa izango da urteko kuota ordainduta izatea.

Izen-emate fitxak jaso bezain laster hasiko gara ikasturte berri honetarako taldeak sortzen. Banan banan izena eman duzuen guztiekin harremanetan jarriko gara talde proposamena egiteko eta lehenengo bilera adosteko.